Kunċert tal-Milied

Is-Sibt, 16 ta’ Diċembru wara l-quddiesa tas-6.30pm ikun hawn kunċert tal-Milied mill-Kor Cappella Sanctae Catherinae. Jibda fis-7.30pm u kulħadd huwa mistieden.

Tberik tal-Bambini

Il-Ħadd, 17 ta’ Diċembru fil-quddiesa tad-9.30am se jsir it-tberik tal-Bambini. Għalhekk inħeġġu lill-familji jattendu u nistiednu lit-tfal biex iġibu magħhom il-Bambin jew xi presepju żgħir li jintramaw fid-dar biex jitbierku.

Novena tal-Milied

Matul il-ġimgħa nkomplu bin-Novena bi preparazzjoni għall-Milied. Il-quddiesa ta’ filgħaxija tkun animata bil-kant mill-Kor Parrokkjali u bis-sehem tal-membri tal-għaqdiet. Fi tmiem il-quddiesa ssir ċelebrazzjoni b’riflessjoni u tagħlaq bil-barka Sagramentali.

Ċelebrazzjoni għat-Tfal

It-Tnejn, 18 ta’ Diċembru fil-5.30pm, fil-Knisja Arċipretali, se jkollna ċelebrazzjoni għat-tfal minn Year 1 sa Year 4 animata miċ-Ċentri tal-Katekiżmu.

Adorazzjoni

It-Tlieta, 19 ta’ Diċembru fl-10.00am ikun hemm l-adorazzjoni fil-Kappella tas-Sorijiet li jmexxiha is-Superjur Joe Fenech.

Ċelebrazzjoni tal-Milied fil-Parroċċa

Il-Ħadd, 24 ta’ Diċembru lejlet il-Milied, il-quddies ta’ filgħaxija jkun fil-5.15pm u fis-6.30pm. Fis-6.00pm toħroġ il-purċissjoni bil-Bambin mill-qasam tal-MUSEUM tas-Subien u tintemm fil-Knisja Arċipretali għas-7.15pm, fejn ikun hawn ċelebrazzjoni madwar Ġesù Bambin bis-sehem tat-tfal. Fil-10.45pm tibda Velja b’riflessjonijiet u kant u l-Prietka mit-tfal. Fil-11.30pm tibda l-Quddiesa Solenni tal-lejl tal-Milied. Nhar il-Milied(it-Tnejn) il-quddies ikun bħal nhar ta’ Ħadd.

Intom u ħerġin mill-knisja tistgħu tieħdu kopja tal-programm tal-festi tal-Milied. Tajjeb li ssegwu minn fuqu minħabba l-ħinijiet tal-quddies nhar il-Milied u l-Ewwel tas-Sena.  

Kċina ta’ Marta

Matul dan iż-żmien tal-Avvent u l-Milied, il-parroċċa tagħna se tkun qed tgħin fl-inizjattiva tal-Kċina ta’ Marta li s-Segretarjat tal-Karita’ fi ħdan l-Arċidjoċesi qed jorganizza biex joffri ikel ta’ kuljum lil persuni u familji fil-bżonn. Għaldaqstant min jixtieq jgħin f’din l-inizjattiva jista’ jġib affarijiet ta’ ikel u jqegħdhom ħdejn l-artal tal-Kunċizzjoni. Dawk li jixtiequ jagħmlu offerta ta’ flus jistgħu jagħmlu l-offerta fl-envelopes li hemm ħdejn l-altar tal-Kunċizzjoni u jgħadduha lil xi ħadd mis-saċerdoti jew ipoġġuha fil-kaxxa li hemm ħdejn l-altar. 

Laqgħa Grupp Kelma tal-Ħajja u Grupp Padre Pio

Nhar it-Tlieta, 12 ta’ Diċembru fid-9.30am jiltaqa’ l-Grupp tal-Kelma tal-Ħajja. Il-laqgħa se ssir fil-kappella ta’ San Ġużepp għand is-sorijiet.

Filgħaxija jmiss il-laqgħa tal-Grupp ta’ San Piju li tibda fis-6.00pm bir-Rużarju fil-Knisja Arċipretali u tkompli bil-quddiesa tas-6.30pm.

Novena tal-Milied

Nhar il-Ġimgħa, 15 ta’ Diċembru nagħtu bidu għan-Novena tal-Milied. Il-quddiesa ta’ filgħaxija tkun bis-sehem tal-Kor Parrokkjali u animata minn gruppi u għaqdiet tal-parroċċa. Fi tmiem il-quddiesa ssir ċelebrazzjoni qasira tan-Novena li tintemm bil-Barka Sagramentali.

Tberik tal-Bambini

Nhar il-Ħadd, 17 ta’ Diċembru fil-quddiesa tad-9.30am se jsir it-tberik tal-Bambini. Għalhekk inħeġġu lill-familji jattendu u nistiednu lit-tfal biex iġibu magħhom il-Bambin jew xi presepju żgħir li jintramaw fid-dar biex jitbierku.

Kċina ta’ Marta

Matul dan iż-żmien tal-Avvent u l-Milied il-parroċċa tagħna se tkun qed tgħin fl-inizjattiva tal-Kċina ta’ Marta li s-Segretarjat tal-Karita’ fi ħdan l-Arċidjoċesi qed jorganizza biex joffri ikel ta’ kuljum lil persuni u familji fil-bżonn. Għaldaqstant min jixtieq jgħin f’din l-inizjattiva jista’ jġib affarijiet ta’ ikel u jqegħdhom ħdejn l-artal tal-Kunċizzjoni. Min irid jista’ wkoll jagħmel offerta ta’ flus għall-istess skop. 

Ġabra b’riżq il-Knisja

Il-ġabra li saret is-Sibt u l-Ħadd li għadda b’riżq il-knisja kienet ta’ €1,437. Nirringrazzjawkom ħafna.

Coffee Morning

Nhar it-Tlieta jkollna l-Coffee Morning b’risq il-knisja, fis-Sala tas-Sorijiet, fid-9.30am.

Nitolbu għal Jacqueline Camilleri li għaddiet għall-ħajja ta’ dejjem. Agħtiha, O Mulej, il-mistrieħ ta’ dejjem.

Ġabra Speċjali

Fl-ewwel Ħadd tax-xahar issir il-ġabra speċjali għall-bżonnijiet tal-knisja. Nirringrazzjawkom tal-għajnuna tagħkom li dejjem tagħtu permezz tal-offerti tagħkom.

Bidu tal-Avvent

Fil-bidu tal-Avvent fil-quddiesa tad-9.30am isir it-tberik tal-Girlanda tal-Avvent. It-tfal huma mistiedna jġibu l-girlanda tagħhom biex titbierek waqt il-quddiesa. Filgħaxija nistiednu liż-żgħażagħ kollha għall-quddiesa tas-7.00pm li se tkun animata b’mod speċjali għalihom.  

Rużarju Meditat

Il-Ħamis, 7 ta’ Diċembru fis-6.00pm ikun hawn Rużarju meditat quddiem Ġesu’ Ewkaristija bi tħejjija għall-festa tal-Immakulata Kunċizzjoni.

Attivita’ Djoċesana

Il-Ħamis se ssir attivita’ djoċesana għat-tfal kollha flimkien mal-Arċisqof, fil-Kalkara, mis-6.00pm sat-8.00pm. Il-parroċċa tagħna se torganizza trasport għat-tfal li jixtiequ jattendu għal din l-attivita’ u se jkun hemm min jieħu ħsiebhom. Il-ġenituri li uliedhom huma interessati li jattendu magħna, jekk jogħġobhom jimlew id-dettalji jew fis-sagristija jew fuq il-paġna ta’ Facebook tal-parroċċa.

Festa tal-Immakulata Kunċizzjoni

Il-Ġimgħa, 8 ta’ Diċembru, niċċelebraw il-festa tal-Immakulata Kunċizzjoni.  Tkun ħaġa sabiħa li min jista’ jieħu sehem fil-quddiesa. Il-quddies ikun bħal ta’ matul il-ġimgħa. Dakinhar se jingħad ir-Rużarju mill-membri tal-Leġjun ta’ Marija wara l-quddiesa tas-7.00am quddiem Ġesu’ espost u wara tingħata l-Barka Sagramentali. Imbagħad jerġa’ jingħad ir-Rużarju filgħaxija qabel il-quddiesa. Fil-Knisja ta’ Sidtna Marija tal-Anġli se jkun hemm quddiesa fis-6.00pm.

Laqgħa ta’ Talb għall-vokazzjonijiet

Is-Sibt, 9 ta’ Diċembru, jkun hemm laqgħa ta’ talb għall-Vokazzjonijiet fis-Seminarju Tal-Virtù, ir-Rabat. Ikun hemm quddiesa u adorazzjoni. Qed jiġi organizzat trasport li jitlaq fil-5.00pm minn ħdejn il-Posta. Min jixtieq jattendi jista’ jinkiteb fis-sagristija jew ikellem lil Carmen Cilia.

Griżma tal-Isqof

Il-Griżma tal-Isqof is-sena d-dieħla(2024) se tiġi ċċelebrata f’dawn il-ġranet u ħinijiet: is-Sibt 19 ta’ Ottubru fl-4.30pm għall-bniet u l-Ħadd 20 ta’ Ottubru fid-9.15am għas-subien.

Coffee Morning

It-Tlieta 12 ta’ Diċembru se jsir Coffee Morning b’risq il-knisja, fis-Sala tas-Sorijiet fid-9.30am. Booking isir mingħand il-membri tal-Grupp tal-fundraising.

Festa ta’ Kristu Sultan

Qegħdin niċċelebraw il-festa ta’ Kristu Sultan. Il-Ħadd, 26 ta’ Novembru, l-Monsinjur Arċisqof se jmexxi ċelebrazzjoni ta’ talb fil-Bażilika ta’ Kristu Re, Raħal Ġdid, fil-5.00pm. F’din l-okkażjoni l-Arċisqof jagħti l-messaġġ tiegħu.

Laqgġa ta’ Riflessjoni

Nhar it-Tlieta (28/11), bi preparazzjoni għal-Liturġija tal-Ħadd, ikollna l-ewwel laqgħa ta’ riflessjoni fuq il-Kelma ta’ Alla, fis-7.00pm, fil-Knisja Arċipretali. Il-laqgħat ikomplu kull nhar ta’ Tlieta fil-ġimgħat ta’ wara matul l-Avvent.

Laqgħa għall-Għarajjes

Nhar il-Ġimgħa li ġej (1/12) se ssir laqgħa għall-għarajjes li se jiżżewġu s-sena d-dieħla. Il-laqgħa se ssir fis-Santwarju tal-Qalb ta’ Ġesù, fis-7.30pm.

L-Avvent u tberik tal-girlandi

Minn nhar il-Ħadd (3/12) nagħtu bidu għaż-żmien tal-Avvent bi preparazjoni għall-Milied.

Matul is-Sibtijiet tal-Avvent, fil-4.45pm qabel il-quddiesa, nitolbu flimkien it-talba tal-Għasar. L-Għasar huwa t-talba uffiċjali tal-Knisja għal filgħaxija.   

Fil-quddiesa tad-9.30am tal-Ħadd isir it-tberik tal-Girlanda tal-Avvent. It-tfal huma mistiedna jġibu l-girlanda tagħhom biex titbierek waqt il-quddiesa.

Quddiesa għaż-Żgħażagħ

Il-Ħadd filgħaxija nistiednu liż-żgħażagħ kollha għall-quddiesa tas-7.00pm li se tkun animata b’mod speċjali għalihom fil-bidu ta’ dan iż-żmien tal-Avvent.

Attivita’ Djoċesana

Se tiġi organizzata attivita’ djoċesana għat-tfal kollha flimkien mal-Arċisqof, nhar il-Ħamis 7 ta’ Diċembru fil-Kalkara mis-6.00pm sat-8.00pm. Il-parroċċa tagħna se torganizza trasport għat-tfal li jixtiequ jattendu għal din l-attività u se jkun hemm min jieħu ħsiebhom. Il-ġenituri li uliedhom huma interessati li jattendu magħna, jekk jogħġobhom jimlew id-dettalji jew fis-sagristija jew fuq il-paġna ta’ Facebook tal-Parroċċa.

Nitolbu għal ħutna Andreana Conti, Paul Abela, Helen Aquilina u Mary Brincat li għaddew għall-ħajja ta’ dejjem.

Laqgħa għar-Romol

It-Tlieta, 21 ta’ Novembru jkun hawn laqgħa għar-romol li tibda bil-quddiesa tat-8.00am fil-Knisja Arċipretali u wara laqgħa għalihom fis-Sala tas-Sorijiet.

Adorazzjoni

Nhar it-Tlieta, fil-kappella għand is-sorijiet ikun hemm Adorazzjoni animata mis-Superjur Joe Fenech fl-10.00am.

Ċentru Żgħażagħ ta’ Warda

Fiċ-Ċentru taż-Żgħażagħ Ta’ Warda se nibdew grupp ġdid għall-adolexxenti li rċevew il-Griżma tal-Isqof, jiġifieri dawk li twieldu fis-sena 2011 (Form 2). L-ewwel laqgħa għal dan il-grupp se ssir nhar il-Ħamis 23 ta’ Novembru fis-7.00pm fiċ-Ċentru Ta’ Warda.

Tesserament Azzjoni Kattolika

Il-Ġimgħa, 24 ta’ Novembru, fid-9.30am ikun hawn quddiesa fil-Knisja Arċipretali li fiha jsir it-Tesserament tal-membri tal-Azzjoni Kattolika.

Quddiesa għar-Romol

Għall-quddiesa tas-6.30pm huma mistiedna r-romol li tilfu l-għeżież tagħhom. Min jixtieq jista’ jikteb isimhom fis-sagristija biex jissemmew fil-bidu tal-quddiesa.

Laqgħa għall-koppji miżżewġa

Fis-7.00pm se ssir laqgħa oħra għall-koppji miżżewġa għand is-Sorijiet fis-Sala ta’ fuq. Il-kelliem se jkun Fr Ivan Attard O.P.

Vestizzjoni tal-Abbatini

Is-Sibt, 25 ta’ Novembru, tmint itfal mill-parroċċa tagħna se jagħmlu l-Vestizzjoni tal-Abbatini fil-quddiesa tas-6.30pm fil-Knisja Arċipretali. Nawguraw lil dawn it-tfal li se jingħaqdu mal-grupp tal-abbatini u nitolbu għalihom. 

Sena Liturġika tal-Knisja

Il-Ħadd, 26 ta’ Novembru, nagħlqu s-Sena Liturġika tal-Knisja bil-festa ta’ Kristu Sultan. Mons. Arċisqof se jmexxi ċelebrazzjoni ta’ talb fil-Bażilika ta’ Kristu Re, Raħal Ġdid, fil-5.00pm. 

Laqgħat ta Riflessjoni

Bi preparazzjoni għal-Liturġija tal-Ħadd, matul il-ġimgħat tal-Avvent se jibdew laqgħat ta’ riflessjoni fuq il-Kelma ta’ Alla. L-ewwel laqgħa se tkun it-Tlieta 28 ta’ Novembru, fis-7.00pm, fil-Knisja Arċipretali. Il-laqgħat ikomplu kull nhar ta’ Tlieta fil-ġimgħat ta’ wara. 

Applikazzjonijiet għad-dħul fl-iskejjel tal-Knisja

Is-segretarjat għall-Edukazzjoni Nisranija javża li se jinfetħu l-applikazzjonijiet għad-dħul tat-tfal fl-iskejjel tal-Knisja. Għal aktar informazzjoni u dettalji, idħlu fil-website tal-Kurja.

Nitolbu għal ħutna Victor Grech u Maria Attard, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.

Festa ta’ San Martin

Il-Ħadd, 12 ta’ Novembru, fil-quddiesa tad-9.30 am niċċelebraw il-festa ta’ San Martin għat-tfal u l-familji.

Tberik tal-Oqbra

Il-Ħadd, 12 ta’ Novembru, fl-10.00am ikun hemm quddiesa fiċ-ċimiterju ta’ Sant’Andrija u wara jsir it-tberik tal-oqbra.

Laqgħa Grupp tal-Kelma tal-Ħajja

It-Tlieta, 14 ta’ Novembru, jiltaqa’ l-Grupp tal-Kelma tal-Ħajja fid-9.30am fis-Sala għand is-Sorijiet.

Laqgħa Grupp Padre Pio

It-Tlieta, 14 ta’ Novembru, fis-6.00pm fil-Knisja Arċipretali ikun hawn il-laqgħa tal-Grupp ta’ S. Padre Pio.

Żjara fiċ-ċimiterju ta’ Wied Għammieq

Il-Ħamis, 16 ta’ Novembru, se ssir żjara fiċ-Ċimiterju ta’ Wied Għammieq. Min jixtieq jattendi jkellem lil Carmen Cilia. Tluq fid-9.00am minn ħdejn il-Posta.

Oratorio Filippu t’Aġġira

Il-Ġimgħa 17 ta’ Novembru, fit-8.00pm, fil-Knisja Arċipretali, se jiġi eżegwit għall-ewwel darba l-Oratorio FILIPPU T’AĠĠIRA, fuq lirika bil-Malti tan-Nutar Dr Philip Ellul u mużika ta’ Mro Antoine Mercieca. Id-dħul se jkun mingħajr ħlas u kulħadd huwa mistieden jattendi u ġentilment ikun bilqiegħda fil-knisja fis-7.30pm.

Grupp Anġli Tagħna

Minn nhar il-Ġimgħa, 17 ta’ Novembru, se jerġa’ jiftaħ iċ-Ċentru għall-persuni bi bżonnijiet speċjali. Il-Grupp ‘L-Anġli Tagħna’ jiltaqa’ bejn il-5.00pm u s-7.00pm f’Villa San Filep.

Ġabra Speċjali

Il-ġabra speċjali li saret nhar il-Ħadd għall-knisja kienet ta’ €1,574. Grazzi tal-ġenerożità tagħkom.

Reġistrazzjoni għat-tfal għall-Kinder

L-iskola primarja ta’ Ħaż-Żebbuġ tixtieq tavża li qed tilqa’ reġistrazzjonijiet tat-tfal għall-ewwel sena tal-Kinder. Dawk il-ġenituri li għandhom tfal li twieldu bejn Jannar u April 2021 jistgħu jiġbru l-applikazzjoni mill-iskola jew iċemplu fuq 2598 7660 għal aktar informazzjoni. Dawn it-tfal jibdew skola fi Frar 2024.

Laqgħa għar-Romol

Nhar it-Tlieta 21 ta’ Novembru, se jerġa’ jiltaqa’ s-support group għar-romol. Nibdew bil-quddiesa tat-8am fil-parroċċa u wara l-quddiesa jkun hemm laqgħa fis-Sala tas-Sorijiet.

Encounter for Foreigners

On Friday 24th November there will be a third encounter for foreigners, residing at the parish, entitled “Come, Lord!” at the Parish Hall, Dar San Ġużepp, at 7.30pm. We invite all of them for this formation meeting. Those who are interested may speak to the deacon, Rev. Malcolm Saliba, or else to one of the helpers, for more details.

Fuljett Flimkien

Intom u ħerġin mill-knisja nistedinkom tieħdu kopja tal-FLIMKIEN tax-xhur Novembru u Diċembru. Ikun apprezzat jekk tistgħu tieħdu kopja lil xi persuni anzjani jew li ma jistgħux joħorġu u li joqogħdu fil-viċinanza tagħkom.

Nitolbu għal Filippa Bugelli li għaddiet għall-ħajja ta’ dejjem. Agħtiha, O Mulej, il-mistrieħ ta’ dejjem.

Quddiesa fiċ-Ċimiterju tal-Qalb ta’ Ġesu

Il-Ħadd, 4 ta’ Novembru, fl-4.00pm ikun hemm quddiesa fiċ-ċimiterju tal-Qalb ta’ Ġesu’ u wara jsir it-tberik tal-oqbra. Matul ix-xahar ta’ Novembru, iċ-Ċimiterju tal-Qalb ta’ Ġesu’ jkun miftuħ kuljum bejn is-7.00am u t-3.30pm.

Adorazzjoni

Infakkru li kull nhar ta’ Ħamis, fil-Knisja Arċipretali, ikun hawn adorazzjoni quddiem Ġesù Ewkaristija fis-6.00pm qabel il-quddiesa.

Talb għall-Vokazzjonijiet

Is-Sibt 11 ta’ Novembru jkun hemm laqgħa ta’ talb għall-Vokazzjonijiet fis-Seminarju Tal-Virtù, ir-Rabat. Ikun hemm quddiesa u adorazzjoni. Qed jiġi organizzat transport li jitlaq fil-5.00pm minn ħdejn il-Posta. Min jixtieq jattendi jista’ jinkiteb fis-sagristija jew ikellem lil Carmen Cilia.

Festa San Martin

Nhar il-Ħadd li ġej, 12 ta’ Novembru, fil-quddiesa tad-9.30am niċċelebraw il-festa ta’ San Martin. Inħeġġu lill-familji bit-tfal biex jattendu. Nistiednu lit-tfal biex iġibu magħhom għotjiet tal-ikel biex jingħataw lill-Patrijiet Franġiskani tal-Belt li jipprovdu ikel kuljum lill-ħafna persuni fil-bżonn permezz tas-soup kitchen. Fl-10.00am issir quddiesa fiċ-ċimiterju ta’ Sant’Andrija u wara jsir it-tberik tal-oqbra.

Intenzjonijiet tal-Quddies

Dawk li jixtiequ jiktbu l-intenzjonijiet tal-quddies għax-xhur ta’ bejn Jannar u Ġunju, huma mitluba jidħlu fis-sagristija u jkellmu lil xi ħadd mis-saċerdoti.

Oratorio Filippu t’Aġġira

Il-Ġimgħa 17 ta’ Novembru, fit-8.00pm, fil-Knisja Arċipretali, se jiġi eżegwit għall-ewwel darba l-Oratorio FILIPPU T’AĠĠIRA, fuq lirika bil-Malti tan-Nutar Dr Philip Ellul u mużika ta’ Mro Antoine Mercieca. Id-dħul se jkun mingħajr ħlas u kulħadd huwa mistieden jattendi.

Nitolbu għal Joseph Camilleri, li għadda għall-ħajja ta’ dejjem. Agħtih, O Mulej, il-mistrieħ ta’ dejjem.

Ħinijiet tal-Quddies

Infakkru li l-ħin tal-quddies filgħaxija mhux se jinbidel: jiġifieri l-quddiesa ta’ filgħaxija matul il-ġimgħa tibqa’ fis-6.30pm u s-Sibt filgħaxija l-ħin tal-quddies jibqa’ fil-5.15pm u fis-6.30pm. Fis-Santwarju tal-Qalb ta’ Ġesù, il-ħin tal-quddies mit-Tnejn sal-Ħadd ikun fis-6.15pm.  

Festa tal-Qaddisin Kollha

L-Erbgħa 1 ta’ Novembru, Festa tal-Qaddisin Kollha, se ssir quddiesa għat-tfal fil-Knisja Arċipretali fis-6.00pm. Wara jkun hemm attività varjata għat-tfal. Navżaw li din se tkun l-unika quddiesa filgħaxija u ma jkunx hawn quddiesa fis-6.30pm.

L-Għid tal-Imwiet

Il-Ħamis 2 ta’ Novembru, niċċelebraw l-Għid tal-Imwiet. Niftakru f’ħutna l-mejtin. Il-quddies filgħodu jibda fis-6.00am u jkompli kull nofs siegħa bl-aħħar quddiesa tkun fit-8.30am. Fis-6.30pm issir konċelebrazzjoni biex nitolbu għal ħutna l-mejtin, b’mod speċjali dawk li mietu minn Novembru tas-sena l-oħra ‘l hawn. Inħeġġu lill-qraba tagħhom biex jieħdu sehem f’din il-quddiesa.

Adorazzjoni

Il-Ġimgħa, l-Ewwel Ġimgħa tax-Xahar, ikun hawn adorazzjoni fis-skiet minn wara l-quddiesa tas-7.00am li tintemm bil-Barka Sagramentali qabel il-quddiesa tat-8.00am.

Quddiesa u Tberik Ċimiterju tal-Qalb ta’ Ġesu u ta’ Sant’Andrija

Il-Ħadd li ġej fl-4.00pm ikun hemm quddiesa fiċ-ċimiterju tal-Qalb ta’ Ġesu’ u wara jsir it-tberik tal-oqbra. It-tberik taċ-ċimiterju ta’ Sant’Andrija jsir il-Ħadd ta’ wara fl-10.00am.

Ftuħ taċ-Ċimiterju f’Novembru

Matul ix-xahar ta’ Novembru, iċ-ċimiterju tal-Qalb ta’ Ġesù jkun miftuħ kuljum mis-7.00am sat-3.30pm. Waqt li nirringrazzja li min qed jieħu l-inkarigu li jiftaħ u jara li l-post jinżamm nadif b’mod volontarju, napprezza ħafna l-koperazzjoni ta’ kulħadd biex nieħdu ħsieb li jibqa’ nadif kif jixraq. 

Ġabra għall-Knisja

Il-ġbir li sar fil-quddies is-Sibt u l-Ħadd li għadda fil-Knisja Arċipretali u fil-knejjes l-oħra b’riżq il-Missjoni kien ta’ €3,928.

Prietka tal-Milied

Infakkru li dawk it-tfal subien u bniet li jixtiequ jagħmlu l-prietka tal-Milied, il-ġenituri tagħhom għandhom jiktbuhom fis-sagristija jew fl-Uffiċċju Parrokkjali.

Donazzjonijiet għal Hospice Movement

Intom u ħerġin mill-knisja membri volontarji ta’ Hospice Movement se jkunu qed jilqgħu donazzjoni b’riżq is-servizzi u l-assistenza li l-Hospice joffri lil ħafna persuni li jkunu jeħtieġu l-għajnuna minħabba mard tal-kanċer u mard serju ieħor. Il-Hospice joffri s-servizzi tiegħu mingħajr ħlas, għaldaqstant kull donazzjoni min-naħa tagħna tkun ta’ għajnuna kbira u hija ferm apprezzata.

Nitolbu għal George Magri u Josianna Camilleri li għaddew għall-ħajja ta’ dejjem. Agħtihom, Mulej il-mistrieħ ta’ dejjem.  

Jum il-Missjoni

Il-Knisja mad-dinja kollha, illum il-Ħadd, 22 ta’ Ottubru, qed tiċċelebra l-Ġurnata Missjunarja. L-Opri Missjunarji Pontifiċji (illum magħrufin bħala MISSIO) jgħinu diversi missjunarji, kemm Maltin u oħrajn, li jitolbu għajnuna biex jibnu knejjes, iżommu skejjel, iwaqqfu sptarijiet u jikkuraw morda, jassistu u jilqgħu fi djar apposta familji u tfal abbandunati u jipprovdulhom il-bżonnijiet l-aktar essenzjali. Għaldaqstant, bil-ġbir li jsir fil-quddies ta’ dan it-tmiem il-ġimgħa, inkunu qed ngħinu din il-ħidma missjunarja tal-Knisja f’dawk il-pajjiżi fejn hemm bżonn ħafna assistenza.

Quddies tal-5:30pm

Infakkru li nhar ta’ Ħadd qed jerġa’ jkun hawn il-quddiesa tal-5.30pm.

Rużarju fil-beraħ

Il-Leġjun ta’ Marija se jorganizza Rużarju fil-beraħ minn għada t-Tnejn (23/10/23) sa nhar il-Ħamis li ġej fil-pjazza ta’ Ħal Dwieli. Ir-Rużarju jibda fis-5.45pm u l-Ħamis ikun hemm quddiesa fil-pjazza wara r-Rużarju. Inħeġġu lil min jista’ sabiex jattendi, b’mod speċjali lil dawk li joqogħdu f’din iż-żona.

Laqgħa għall-koppji miżżewġin

Nhar il-Ġimgħa 27 ta’ Ottubru, se ssir laqgħa għall-koppji miżżewġin, fis-7.00pm, fis-sala taħt l-Uffiċċju Parrokkjali, organizzata mill-Kummissjoni Familja. Il-kelliem se jkun l-Arċipriet.

Festa tal-Konsagrazzjoni tal-Knisja

Nhar il-Ħadd li ġej 29 ta’ Ottubru niċċelebraw il-festa tal-Konsagrazzjoni tal-Knisja. Festa li tfakkarna li l-Knisja hija aħna, il-poplu ta’ Alla, li niġu f’dan il-post qaddis biex nagħtu qima lil Alla. Il-quddiesa tas-6.30pm is-Sibt tkun kantata u l-Ħadd il-quddiesa tad-9.30am tkun animata għat-tfal b’din it-tema.  

Festa tal-Qaddisin Kollha

L-Erbgħa l-1 ta’ Novembru, Festa tal-Qaddisin Kollha, se ssir quddiesa għat-tfal kollha fil-Knisja Arċipretali fis-6.00pm. Nistiednu lit-tfal jiġu lebsin tal-qaddis/a favorit tagħhom jew b’ilbies abjad. Wara l-quddiesa ikun hemm attività varjata għalihom fuq iz-zuntier.

Prietka tal-Milied

Il-ġenituri tat-tfal li għandhom bejn 8 u 9 snin (Year 4 u 5 fl-iskola) u li uliedhom jixtiequ jagħmlu l-Prietka tal-Milied huma mitluba li jiktbu lil uliedhom fis-sagristija jew fl-Uffiċċju Parrokkjali.    

Nitolbu għal ħutna Julie Bugeja u Joseph Micallef, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.

Sagrament tal-Griżma ta’ l-Isqof

Il-Ħadd, 15 ta’ Ottubru fid-9.15am ikollna ċ-ċelebrazzjoni tas-sagrament tal-Griżma. Nifirħu lil dawn li se jirċievu dan is-Sagrament u nitolbu għalihom ħalli jkomplu jikbru fil-fidi u jimtlew bil-qawwa ta’ Alla.

Laqgħat Xebbiet Azzjoni Kattolika

It-Tlieta 17 ta’ Ottubru, fid-9.00am jerġgħu jibdew il-laqgħat tax-Xebbiet tal-Azzjoni Kattolika. Fl-10.00am ikun hemm l-Adorazzjoni mmexxija mis-Superjur Joe Fenech fil-kappella ta’ San Ġużepp għand is-Sorijiet.

Talb għall-Art Imqaddsa

L-Isqfijiet iħeġġuna biex nissieħbu mal-Patrijarka ta’ Ġerusalemm fit-talb għas-sitwazzjoni li għaddejja minnha l-Art Imqaddsa u għal tant nies li sfaw vittmi tal-vjolenza u l-mibegħda. Nistgħu ningħaqdu f’dan it-talb billi nhar it-Tlieta 17 ta’ Ottubru noffru talb u sawm għall-paċi, il-ġustizzja u r-rikonċiljazzjoni.

Seminar dwar is-Saħħa Mentali

Il-Ħamis 19 ta’ Ottubru mid-9.15am san-12.30pm se jkun organizzat seminar għal kulħadd imtella’ mis-sezzjoni femminili tal-MUSEUM. Dan se jsir fil-qasam tal-MUSEUM tas-Siġġiewi u fih se jkun hemm taħditiet diversi, inkluż dwar is-saħħa mentali. Ikun hemm ukoll iċ-ċelebrazzjoni tal-Quddiesa. Inħeġġu lil dawk kollha li jistgħu sabiex jattendu.

Encounter with Foreigners

On Friday 20th October, there will be a second encounter with foreigners, entitled “Speak, Lord!” at the Parish Hall, Dar San Ġużepp, at 7.30pm. We invite all foreigners of our parish for this formation meeting to listen and pray together through God’s Word. Those who are interested may speak to the deacon, Reverend Malcolm, or else to one of the helpers, for more details.

Ġurnata Missjunarja

Il-Ħadd li ġej, 22 ta’ Ottubru, il-Knisja tiċċelebra l-Ġurnata Missjunarja. L-Opri Missjunarji Pontifiċji (illum magħrufin bħala MISSIO) jgħinu diversi missjunarji, kemm Maltin u oħrajn, li jitolbu għajnuna biex jibnu knejjes, iżommu skejjel, iwaqqfu sptarijiet u jikkuraw morda, jassistu u jilqgħu fi djar apposta familji u tfal abbandunati u jipprovdulhom il-bżonnijiet l-aktar essenzjali. Għaldaqstant, bil-ġbir li jsir fil-quddies is-Sibt u l-Ħadd li ġej, inkunu qed ngħinu din il-ħidma missjunarja tal-Knisja f’dawk il-pajjiżi fejn hemm bżonn ħafna assistenza.