Attivitajiet tall-Festa

• Il-Ħadd, Jum il-Festa, fit-8.00am, issir il-Quddiesa Konċelebrata Solenni bil-paniġierku mmexxi minn Fr Jesmond Grech.
• Fis-6.00pm Quddiesa u fis-7.00pm Quddiesa tal-Għeluq tal-Festa, li tingħalaq bil-Barka Sagramentali

Quddiesa u preżentazzjoni tat-trabi

Nhar il-Ħamis 17 ta’ Ġunju,  bil-Quddiesa fis-7.00pm, fil-Knisja Arċipretali. Peress li se tingħata tifkira żgħira, min se jattendi importanti li jinforma lill-Arċipriet.

Qalb ta’ Ġesu’

Nhar il-Ħadd 20 ta’ Ġunju, se niċċelebraw il-Festa tal-Qalb ta’ Ġesu’. Mis-1.30pm Gesu’ Ewkaristija se jkun espost fil-Knisja sas-6.00pm għall-adorazzjoni tagħna.

Fis-6:00pm jkollna Quddiesa. Fis-7.00pm tibda l-Quddiesa tal-Qalb ta’ Ġesu’ segwita minn purċissjoni qasira li ssir fil-Knisja. It-tfal tal-Ewwel Tqarbina mħeggin biex jattendu.

Ktieb dwar l-istatwa ta’ San Filep

Min irid kopja tal-ktieb li għadna kemm ippubblikajna, hu ġentilment mitlub li jidħol fis-sagristija jew ikellem lill-Arċipriet. Il-prezz hu ta’ €50. Il-ktieb hu ta’ livell għoli ħafna.

Illum il-ĠABRA SPEĊJALI SE TKUN B’RIŻQ IL-FESTA TA’ SAN FILEP.

Il-Programm tal-Festa fil-Qosor

• It-Tnejn, fil-5.30pm, Quddiesa speċjali għat-tfal, Fit-7.45pm, se ssir Quddiesa mtella’ miż-żgħażagħ fil-Knisja Arċipretali.
• It-Tlieta, Quddiesa speċjali fid-9:30am, għall-morda u l-anzjani. Fis-7:30pm, Lejla Kulturali u thnedija tal-ktieb fuq l-Istatwa ta’ San Filep: “Fontana’s St Philip of Agira – contextual, stylistic and technical considerations.” Il- ktieb li hu ta’ livell għoli ħafna se jkun jiswa €50.
• L-Erbgħa, il-Ħamis u l-Ġimgħa: Jiem tat-Tridu, skont kif hemm fil-programm. It-Tridu se jkun immexxi mill-Kanonku Dun Edward Xuereb. Fl-ewwel Jum tat-tridu se jiġu mistiedna dawk li ċċelebraw xi anniversarju speċjali s-sena li għaddiet. Min se jkun se jatttendi importanti li jħalli ismu fis-sagristija.
• Is-Sibt, fis-6:00pm, issir it-Tranżulazzjoni u Quddiesa; Fit-8:00pm Quddiesa bis-sehem taż-żewġt każini tal-Banda .
• Il-Ħadd, Jum il-Festa, fit-8:00am, issir il-Quddiesa Konċelebrata Solenni tal-Festa bil-paniġierku mmexxi minn Fr Jesmond Grech. Fis-6:00pm quddiesa u fis-7:00pm quddiesa tal-Għeluq tal-Festa, li tingħalaq bil-barka Sagramentali.

Il-Kappella tal-Visitazzjoni

Il-Kappella tal-Visitazzjoni li tinstab f’ Wied Qirda se tkun miftuħa għall-Pubbliku llum il-Ħadd bejn id-9:00am u 12:00pm u l-4:00pm u 6:00pm . Ħajr lil Alfred Agius, Guza Agius u Anton Caruana li f’dawn l-aħħar xhur ħadu ħsiebha.

Quddiesa u preżentazzjoni tat-trabi

Nhar il-Ħamis, 17 ta’ Ġunju,  bil-Quddiesa fis-7.00pm fil-Knisja Arċipretali. Peress li se tingħata tifkira żgħira, min se jattendi mportanti li jinforma lil xi ħadd mill-Kummissjoni Familja kif ktibna fl-ittra jew jibgħat sms lill-Arċipriet.

Laqgħa Padre Pio

Nhar it-Tlieta fil- 5.00pm

Ġabra Speċjali

Din il-ġimgħa l-ġabra speċjali ser issir b’risq il-Festa ta’ San Filep

Nitolbu għal ħutna li għaddew għall-Ħajja ta’ Dejjem matul din il-ġimgħa: Jane Ciantar u Gianna Pisani. Agħtihom, O Mulej, il-Mistrieħ ta’ Dejjem.

Ktieb  ġdid fuq l-istatwa ta’ San Filep

Fit-8 ta’ Ġunju se nagħmlu book launch ta’ Ktieb sabieħ immens fuq l-istatwa San Filep. Ktieb li jinkludi diversi ritratti tal-proċess ta’ restawr li sar fuq l-istatwa meta kienet għar-restawr. Wieħed għandu jsib fiħ informazzjoni li qatt qabel ma kienet ippublikata qabel. Il- Ktieb li hu ta’ livell għoli ħafna se jkun ħardbound u prattikament full colour, L-editur tal-Ktieb hu il- fotografu Joe P. Borg.

Festa San Filep

Bejn is-7 ta’ Ġunju u 13 ta’ Ġunju se niċċelebraw il-Festa tal- Patrun tagħna San Filep. Qed jitqassam il-programm tal-festa. Tajjeb li wieħed jieħu kopja kull familja.

Il-ġbir li se jsir fil-weekend li ġej u ta’ wara se jkunu kollha għall-festa. Inħeġġukom tkunu ġeneruzi.

Fl-ewwl Jum tat-tridu se jiġu mistiedna dawk li ċċelebraw xi anniversarju speċjali s-sena li għaddiet. Min se jkun se jatttendi importanti li jħalli ismu fis-sagristija.

L-Ewwel Tqarbina

Il-Ħadd 30 ta’ Mejju w il-Ħadd 6 ta’ Ġunju se jkollna ċ-ċelebrazzjonijiet tal-Ewwel tqarbina taċ-ċkejknin tagħna. Il-quddiesa tad-9.00am u tal- 5.00pm se jkunu jistgħu jidħlu biss il-ġenituri u n-nanniet tat-tifel/tifla.

Infakkru li minħabba l-ewwel Tqarbina se jkollna xi tibidl fil-Quddies tal-Ħdud:

Il-Quddiesa tat-tfal se tkun fl-10.30am, segwita b’quddiesa oħra fil-11.30am. Filgħaxija se jkollna quddiesa waħda, dik tas-7.00pm

Insaħħu il-Kummissjonijijet fi ħdan il-parroċċa

Qiegħdin fil-proċess biex insaħħu l-kummissjonijiet fi ħdan il-parroċċa biex nippjanaw għas-sena pastorali li tibda’ f’Ottubru. Fid-dawl ta’dan qed nagħtu opportunita’ lil dawk li jixtiequ jagħtu sehemhom direttament fil-parroċċa f’waħda mill-kummissjonijiet u/jew  mod ieħor lill-parroċċa importanti li ma joqgħodx lura, jimla’ l-applikazzjoni u jekk ikollu bżonn iktar informazzjoni  jkellem lill-Arċipriet.

Għoti tad-Demm f’Ħaż-Żebbuġ

Il-Ħadd 30 ta’ Mejju ser ikun hawn il-mobile blood donation unit. Inħeġġu lil min jista’ biex jagħti id-demm.

Nitolbu għal ħutna li għaddew għall-Ħajja ta’ Dejjem matul din il-ġimgħa: Jane Gabrielle Agius, Antoinette Parascandolo u Martin Degabriele . Agħtihom, O Mulej, il-Mistrieħ ta’ Dejjem

L-Ewwel Tqarbina

Il-Ħadd, 30 ta’ Mejju u l-Ħadd, 6 ta’ Ġunju se jkollna ċ-ċelebrazzjonijiet tal-Ewwel tqarbina taċ-ċkejknin tagħna. Iċ-ċelebrazzjoni tat-tfal subien se jsiru  fid-9.00am, filwaqt li tal-bniet fil-5.00pm. Għal dawn iċ-ċelebrazzjonijiet se jkunu jistgħu jidħlu biss il-ġenituri u n-nanniet tat-tifel/tifla.

Minħabba l-ewwel Tqarbina se jkollna xi tibidl fil-Quddies tal-Ħdud:

• Il-Quddiesa tat tfal se tkun fl 10.30am segwita b’quddiesa oħra fil-11.30am
• Filgħaxija se jkollna quddiesa waħda dik tas-7.00pm

Kor Parrokkjali

Il-Kor Parrrokkjali Magnifikat se jibda’ jitmexxa mis-Sinjura Stephania Farrugia Frantz. Filwaqt li nirringrazzjawha li ħadet dan l-inkarigu, nawgurawlha ħafna f’din ir-responsabilita’ l-ġdida. Għaldaqstant il-Kor se jiltaqa’ għada it-Tnejn, fis-7:30pm, fil-Knisja Arċipretali. Il-Membri huma mitluba li jġibu l-file magħhom. Intant dawk li qed juru interess li jingħaqdu fil-kor, se jkunu avviċinati fil-ġranet li ġejjin.

Insaħħu il-Kummissjonijijet fi ħdan il-Parroċċa

Qiegħdin fil-proċess biex insaħħu il-kummissjonijiet fi ħdan il-parroċċa biex nippjanaw għas-sena pastorali li tibda’ f’ Ottubru. Fid-dawl ta’dan qed nagħtu opportunita’ lil dawk li jixtiequ jagħtu sehemhom direttament fil-parroċċa f’waħda mill-kummissjonijiet. Ftaħna l-applikkazzjonijiet għal erbgħa kummissjonijiet:

• Kummissjoni Familja, li l-għan taghha hu fuq il-familji u li wieħed jifhem l-familji ta’ llum;
• Kummissjoni liturġija, li tgħin fiċ-ċelebrazzjonijiet liturġiċi u paraliturġiċi li jiġu organizzati;
• Kummissjjoni Żgħażagħ, li taħdem ma’ l-adoloxxenti u ż-żgħażagħ;
• Kummissjoni Media u IT: li  tieħu ħsieb il-publikazzjonijiet, il-midja soċjali u materjal relatat ma tixrid ta’ informazzjoni bħal billboards, posters, eċċ.

Inħeġġu li min jaħseb li jista’ jgħin f’ wiehed minn dawn il-kummissjonijiet jew lill-parroċċa, importanti li ma joqgħodx lura, jimla’ l-applikazzjoni u jekk ikollu bżonn iktar informazzjoni  jkellem lill-Arċipriet.

Fiċ-Ċentru taż-Żgħażagħ t’a Warda se jergħu jibdew il-laqgħat għall-adoloxxenti mill-eta’ ta’ dawk li għamlu il-griżma, sa 16-il sena. Il-laqgħat isiru nhar ta’ Erbgħa, fis-7.30pm

 Għoti tad-Demm f’Ħaż-Żebbuġ – Il-Ħadd 30 ta’ Mejju 

Is-Servizz Nazzjonali tat-Trasfużjoni tad-Demm flimkien mal-Kunsill Lokali, u l-parroċċa ta’ Ħaż-Żebbuġ jixtiequ jistiednu lir-residenti ta’ Ħaż-Żebbuġ, biex nhar il-Ħadd 30 ta’ Mejju  jersqu u jagħtu d-demm fil-mobile blood donation unit li dakinhar mit-8:30am sas-1:00pm ser ikun quddiem il-Knisja Arċipretali ta’ Ħaż-Żebbuġ. Ġibu magħkom l-karta tal-identità.

Il-Ġabra tal-ġimgħa l-oħra b’rizq is-Seminarju laħqet is-somma sabiħa ta’ €2320 ( +€ 125 mis-Santwarju tal- Qalb ta’ Gesu). Grazzi!

Festa Liturġika ta’ San FIlep – 12 ta’ Mejju

Filwaqt li nirringrazzja lil dawk kollha li attendew għaċ-ċelebrazzjoni liturġika fl-okkazzjoni tal-Festa ta’ San Filep li saret fit-12 ta’ Mejju, niskużaw ruħna li minħabba r-restrizzjonijiet mitluba minnha kellna nħallu xi nies barra. Konvint pero li tifhmu s-sitwazzjoni. Għall-festa li se niċċelebraw f’Ġunju ta’ din is-sena,  qed naraw kif nistgħu naddattaw il-programm tal-festa fid-dawl tar-restrizzjonijiet mitluba minnha.

Il-Pożizzjoni tal-Knisja fuq il-Festi ta’ din is-sena 2021

Matul din is-sena 2021, il-festi parrokkjali u festi oħra reliġjużi li jsiru ġewwa l-bini tal-knisja jsiru fil-ġranet li soltu jiġu ċċelebrati, b’rispett sħiħ lejn il-miżuri indikati mill-Awtoritajiet tas-Saħħa għall-ħarsien tas-saħħa u tal-ħajja ta’ kulħadd.

Rigward iċ-ċelebrazzjonijiet ta’ barra l-bini tal-knisja, li normalment jiġu organizzati mill-Knisja bħalma huma l-purċissjonijiet, dawn isiru biss jekk, fejn u meta l-Awtoritajiet tas-Saħħa jawtorizzawhom bħala attivitajiet permessi.

Kor Parrokkjali

Nirringrazzjaw lis-Sinjura Antonella Ellul li għal dawn l-aħħar snin mexxiet il-kor Parrokkjali, Magnifikat. Issa li ma tistax tkompli tmexxi il-Kor, se ssir laqgħa għall-membri tal-Kor biex naraw kif se nimxu fil-futur. Il-Laqgħa se ssir nhar it-Tnejn fis-7:30pm, fl-Uffiċċju Parrokkjlai, f’Misraħ l-Isptar. Napprezza li l-membri jattendu. Sadanittant jekk hawn min jixtieq ikun parti mill-kor parrokkjali, hu mitlub li javviċina lill-Arċipriet. 

Seminar  għall-Ġenituri tat-Tfal tal-Ewwel Tqarbina

Se jsiru tnejn, wiehed il-Ġimgħa li ġej, 21 ta’ Mejju u l-ieħor is-Sibt 22 ta’ Mejju 2021. Nibdew bil-quddiesa fis-7.00pm fil-Knisja Arċipretali. Il- ġenituri jagħżlu huma liema seminar/ġurnata jattendu.

Ġabra Speċjali

Il-ġabra speċjali ta’ din il-ġimgħa hija għas-Seminarju. Nitolbukom tkunu ġenerużi.

Festa San Ġorġ Preca

Nhar It-Tnejn, 10 ta’ Mejju se niċċelebraw il-Festa ta’ San Ġorġ Preca. Membri tas-Soċjeta tal- Mużew se jqassmu ktejjeb żġħir b’talb u riflessjonjijiet miktuba minn San Ġorġ waqt il- quddies kollu ta’ nhar it-tnejn.

Festa San Filep

Nhar l-Erbgħa, 12 ta’ Mejju, niċċelebraw il-festa liturġika ta’ San Filep, Patrun tagħna. Se jiġu organizzati zewgt quddiesiet filgħaxija waħda fil-5.30pm u l-oħra fis-7.00pm Il-Quddiesa tas-7.00pm tkun konċelebrata b’mod solenni animata bil-Kor Parrokkjali Magnifikat  b’omelija minn Fr Reno Muscat..

Konsagrazzjoni tal-Knisja Arċipretali

Nhar il-Ħamis, 13 ta’ Mejju, Quddiesa ta’ Radd il-Ħajr u ċelebrazzjoni tal-Konsagrazzjoni tal-Knisja Arċipretali, fis-7.00pm., animata mill-Kor Parrokkjali, Magnifikat.

Laqgħa tal-Kunsill Pastorali Parrokkjali

Il-laqgħa ser issir nhar it-Tnejn  fis7.30pm.

Kors għall-Ministri Straordinarji tat-Tqarbin

Il-Ministri tat-tqarbin huma mitlubin li jgħaddu l-email tagħhom lill-Arċipriet biex ikun jista’ jibgħatilhom l-applikazzjoni għal dan il-kors.

Tindif taċ-Ċimiterju tal-Qalb ta’ Ġesu’

Matul dawn l-aħħar ġranet sar tindif estensiv fiċ-ċimiterju tal-Qalb ta’ Gesu. Ħajr lil numru ta’ voluntiera li għinu lil Josef Felice biex seta’ sar dan it-tindif. Napprezzaw il-kooperazzjoni tagħkom biex iċ-ċimiterju jinżamm fi stat tajjeb.

Il-Ġabra Speċjali li saret fi tmiem il-ġimgħa l-oħra kienet ta’ €1,800. Grazzi minn Qalbna.

Ġabra għas-Seminarju

Fil-Weekend li ġej se ssir il-ġabra b’risq is-Seminarju tal-Virtu. Bid-donazzjonijiet tagħkom inkunu qed ngħinu lis-Seminarju Maġġuri biex jagħti formazzjoni meħtieġa lis-seminaristi kif jitolbu iż-żminjiet li qiegħdin fihom. Inħeġġukom tkunu ġeneruzi.

Nitolbu għal ħutna li għaddew għall-Ħajja ta’ Dejjem matul din il-ġimgħa: Marianna Borg u Nazzareno Pisani. Agħtihom, O Mulej, il-Mistrieħ ta’ Dejjem

L-Ewwel Qrara

Nhar is-Sibt filgħodu se ssir l-ewwel Qrara liċ-ċkejknin li se jirċievu l-ewwel tqarbina.
Il-ġenituri tat-tfal bniet huma mitluba li jġibu lil uliedhom il-Knisja Arċipretali fid-9.00am, filwaqt li l-ġenituri tat-tfal subien huma mitluba li jġibu lil uliedhom fl-10.00am. Il-ġenituri huma mitluba li jiġbru lit-tfal lura f’dawn il-ħinijiet:

• It-tfal bniet fid-9.45am
• It-tfal subien fl-10.45am.

Seminar  għall-Ġenituri tat-Tfal tal-Ewwel Tqarbina

Il-laqgħa ser issir il-Ġimgħa 21 ta’ Mejju jew is-Sibt 22 ta’ Mejju 2021 (għażlu ġurnata) . Nibdew bil-quddiesa fis-7.00pm fil-Knisja Arċipretali.

Laqgħat tal-Gruppi

Mill-10 ta’ Mejju il-quddiem, jistgħu jerġgħu jibdew isiru l-laqgħat fi ġruppi. Importanti li  nimxu mad-direttivi tal-awtoritajiet tas-saħħa fejn qed jeżiġu li għandha dejjem tinżamm id-distanza soċjali u l-użu tas-santizer qabel tidħlu għall-laqgħa.

Tqarbin tal-Morda

Qed nibdew b’mod gradwali t-tqarbin tal-morda fid-djar. L-anzjani u l-morda li ma joħorġux u jixtiequ jitqarbnu fid-djar, importanti li jkunu ħadu iż-żewġt tilqimiet tal-vaċċin u li jkunu għaddew iktar minn ħmistax minn meta ttieħdet l-aħħar injezzjoni. Il-qassisin se javviċinaw dawk li kienu diġa’ miktubin għat-tqarbin.

Ġabra Speċjali

Illum qed  issir il-ġabra speċjali għall-ispejjeż tal-Knisja u tal-Festa. Inħeġġukom biex tkunu ġenerużi.

Nitolbu għall-ħuna Ninu Psaila li għadda għall-ħajja ta’ dejjem matul din il-ġimgħa. Agħtih O Mulej il-mistrieħ ta’ dejjem.

Ir-riżenja ta’ Carmelo Borg bħala Sagristan

 Is-Sagristan Carmelo Borg, fil-ġranet li għaddew tefa’ ir-riżenja tiegħu bħala sagristan ta’ din il-Knisja. Filwaqt li nirringrazzjawh tas-servizz li ta’ matul dawn is-snin li kien ilu sagristan, ġew magħżula Josef Felice u Nathan Falzon biex fuq bażi part-time jgħinu fis-servizzi li jingħataw fil-knisja ta’ kuljum. Intant ir-responsabbiltajiet tas-sagristan għaddew lill-Arċipriet. Naprezzaw li jekk ikun hawn min jixtieq jgħin bħala voluntier fl-armar u xogħol ieħor fil-parroċċa, importanti li jkellem lill-Arċipriet.

Festa San Filep

Filwaqt li qed nistennew fil-ġranet li ġejjin id-direttivi ta’ kif se jiġu ċċelebrati il- Festi din is-sena, il-ħsieb tagħna hu li din is-sena il-festa ta’ ġewwa se niċċelebrawha kif nagħmlu s-soltu, minbarra l-ħruġ solenni, fil-ġimgħa li tintemm fit-13 ta’ Ġunju. Kif tistgħu tindunaw bdejna narmaw id-damask.

Il-Festa tinvolvi diversi spejjeż, inkluż l-orkestra u spejjeż oħra. Għaldaqstant naprezzaw il-ġenerożita’ tagħkom.

Dixxiplina fil-mogħod kif inpoġġu fil-bankijiet tal-Knisja

Importanti li nibqgħu nibżgħu għas-saħħa ta’ xulxin. Għaldaqstant infakkru li:

• Fuq kull bank hu ndikat li joqgħodu tlett persuni. F’kaz ta’ bubble li joqogħdu fl-istess dar, jistgħu joqogħdu kollha f’bank wiehed. Jistgħu joqogħdu wkoll żewġt koppji fit-trufijiet ta’ kull bank.
• Min jiġi tard u ma jsibx post bilqiegħda  fejn indikat, jieħu ftit paċenzja u joqgħod bilwieqfa
• Infakkru wkoll li meta niġu biex ninżlu fuq irkobbtejna, jekk ta’ quddiemek ma jagħmilx l-istess, trid iżżomm id-distanza u ma tinżilx.

Napprezza il-kooperazzjoni tagħkom.

Ġabra Speċjali

Fi tmiem il-ġimgħa li ġejja, se ssir il-ġabra speċjali għall-ispejjeż tal-Knisja u  tal-Festa. Inħeġġukom biex tkunu ġenerużi.

Quddies Live Streaming

L-Arċipriet jixtieq jirringrazzja liż-żgħażagħ tas-sezzjoni IT tal-Kazin San Filep li meta l-Knejjes  kienu magħluqin għall-quddies għall-pubbliku, għinuna biex nitrasmettu l-quddies kuljum live-steaming. Jirringrazzja ukoll lis-sezzjonijiet żgħażagħ tal-Kazin 12 th May u tal- Kazin San Guzepp li flimkien maż-żgħazagħ tal- Kazin San Filep trasmettew il-Quddiesa tad-Duluri u r-Ruzarju, kif ukoll it-Tridu tal-Għid. Grazzi tassew.

Quddiesa

Issa li reġgħu nfetħu il-Knejjes għall-Quddies , infakkru li dejjem għandna nirrispettaw r-restrizzjonijiet mitluba minnha.

Infakkru li l-Knisja Arċipretali tista’ tilqa’ fiha sa’ 250 persuna għal kull quddiesa. Għaldastant, nħeġġukom biex  ma titilfux din l-opportunita’ li niltaqgħu fil-kommunitajiet tagħna biex nitolbu flimkien.

Ħinijiet tal-Quddies

• Il- Ħadd  – 7.00, 8.00, 9.00,10.00 (tat-Tfal) u 11.00 am u 6.00 u 7.00pm
• Mit-Tnejn sal- Ġimgħa  – 6.00am, 7.00am,8.00am u 7.00pm
• Is-Sibtijiet 7.00 u 8.00 am u 5.30 u 7.00pm

Sakemm navzaw mod ieħor, l-għaqdiet ma għandhomx jiltaqgħu fiżikament.

Nitolbu għall-ħuna Philip Bugeja li għadda għall-ħajja ta’ dejjem matul din il- ġimgħa. Agħtih O Mulej id-dawl ta’ dejjem.

Festa tal-Ħniena Divina

Quddiesa trasmessa live-streaming fuq il-paġni tat-tliet Każini tal-Banda.

Fl-10:00am tingħad il-Kurunella tal-Ħniena Divina, Talba tal-Konsagrazzjoni lil Ħniena Divina u nagħlqu bil-Barka Sagramentali.

Ftuħ tal-Knejjes għall-Quddiesa

Minn nhar il-Ħadd li ġej se jerġgħu jinfetħu il-knejjes għall-quddies b’xi restrizzjonijiet mitluba minnha. Infakkru li l-Knisja Arcipretali tista’ tilqa’ fiha sa’ 250 persuna għal kull quddiesa. Filwaqt li s-Santwarju tal-Qalb ta’ Ġesu 75 persuna.

Għaldaqstant, nħeġġukom biex ma titilfux din l-opportunita’ li niltaqgħu fil-kommunitajiet tagħna biex nitolbu flimkien.

Ħinijiet tal-Quddies fil-Knisja Arċipretali

• Mit-Tnejn tal- Ġimgħa: 6:00am, 7:00am, 8:00am u 7:00pm
• Sibtijiet: 7:00am, 8:00am u 5:30pm u 7:00pm
• Il-Ħadd:  7:00am, 8:00am, 9:00am, 10:00am (tat-Tfal) u 11:00am u 6:00pm u 7.00pm

Matul din il-ġimgħa il-Knisja Arċipretali se tkun miftuħa f’dawn il-ħinijiet:

• Mit-Tnejn tas-Sibt fis 7:00am sat-8:30am u mis-6:00 sas-7:00pm.
• Tqarbin isir għal min jixtieq f’ħinijiet varji.

Nitolbu għall-ħutna Joseph Mifsud, Alfred Mifsud u Johann Mifsud, li għaddew għall-ħajja ta’ dejjem matul din il-ġimgħa. Agħtihom O Mulej id-dawl ta’ dejjem.