Adorazzjoni tas-Salib

Il-Ħamis, 3 ta’ April, fis-6.00pm, fil-Knisja Arċipretali se jkun hawn ċelebrazzjoni li fiha ssir l-adorazzjoni tas-salib. Waqt il-ħin tal-adorazzjoni se jkun hawn is-saċerdoti disponibbli għall-qrar. Wara l-adorazzjoni, għas-6.45pm, ikun hawn il-quddiesa.   

Festa Devozzjonali tar-Redentur

Il-Ġimgħa, 4 ta’ April, tkun l-Ewwel Ġimgħa tax-xahar u nagħmlu l-festa devozzjonali tar-Redentur. Filgħodu wara l-quddiesa tas-7.00am ikun hawn adorazzjoni fis-skiet sa qabel il-quddiesa tat-8.00am. Fis-6.00pm joħroġ il-pellegrinaġġ bix-xbiha ta’ Ġesù Redentur u kif jintemm il-pellegrinaġġ, għas-7.00pm, tiġi ċċelebrata l-quddiesa. Il-pelleġrinaġġ se jgħaddi minn Misraħ San Filep, Triq Sant’Antnin,Triq il-Knisja,Triq il-Kbira, Triq Campis, Triq De Rohan, Triq l-Isqof, Triq Luret Vella u Triq Sciortino. 

L-Ewwel Qrara

Is-Sibt, 5 ta’ April, fid-9.00am, fil-Knisja Arċipretali jkun hawn l-Ewwel Qrara għat-tfal subien li se jagħmlu l-Ewwel Tqarbina.

Avviżi marbutin mal-purċissjoni tal-Ġimgħa l-Kbira 

Matul din il-ġimgħa li ġejja se jsir it-tqassim tal-ilbiesi mill-maħżen tal-Ġimgħa l-Kbira. Dettalji fuq in-noticeboards. 

Se ssir laqgħa għal dawk li jilbsu fil-Purċissjoni bl-ilbiesi privati / personali, nhar it-Tnejn 7 ta’ April fis-6.30pm fis-Sala Parrokkjali. Dakinhar jinġabru wkoll it-tesseri li huma obbligatorji biex wieħed jieħu sehem fil-Purċissjoni. 

Għandna bżonn ukoll l-għajnuna ta’ persuni li jkunu jistgħu jgħinu bħala helpers u ushers waqt il-Purċissjoni. Napprezzaw ħafna l-għajnuna ta’ kull min jista’ joffri sehmu. Min hu interessat jinkiteb fis-sagristija jew fil-maħżen tal-Ġimgħa l-Kbira.

Dramm tal-Passjoni – L-Inviżibbli

Il-Ġimgħa, is-Sibt u l-Ħadd (4, 5 u 6 ta’ April), fis-Sala Dun Mikiel Xerri (id-Domus) ikun hemm id-Dramm tal-Passjoni. Biljetti mis-Sala stess mit-8.00pm ’il quddiem. Aktar dettalji ssibuhom fil-poster li hemm fin-noticeboards.

Nitolbu għal oħtna Maria Concetta Farrugia, li għaddiet għall-ħajja ta’ dejjem. Agħtiha, O Mulej, il-mistrieħ ta’ dejjem.  

Quddiesa għaż-Żgħażagħ

Il-Ħadd, 23 ta’ Marzu, nistiednu liż-żgħażagħ tal-parroċċa għall-quddiesa tas-7.00pm li se tkun animata b’mod speċjali għalihom f’dan iż-żmien tar-Randan. 

Eżerċizzi għall-Koppji

Minn nhar it-Tnejn 24 ta’ Marzu jibdew l-Eżerċizzi għall-koppji wara l-quddiesa ta’ filgħaxija. Imexxi Fr Charles Tabone OP.

L-Ewwel Qrara

Nhar is-Sibt 29 ta’ Marzu fid-9.00am, fil-Knisja Arċipretali jkun hawn l-Ewwel Qrara għat-tfal bniet li se jagħmlu l-Ewwel Tqarbina. 

Sehem fil-Purċissjoni tal-Ġimgħa l-Kbira

Għal dawk li jixtiequ jieħdu sehem fil-purċissjoni tal-Ġimgħa l-Kbira għad fadal xi ftit ilbies tas-suldati u tat-tfal. Għandna bżonn ukoll l-għajnuna ta’ persuni li jkunu jistgħu jgħinu fl-andament tal-purċissjoni bħala helpers. Napprezzaw ħafna l-għajnuna ta’ kull min jista’ joffri sehmu. Min hu interessat jinkiteb fis-sagristija jew fil-maħżen tal-Ġimgħa l-Kbira. 

‘L-Inviżibbli’ – Dramm tal-Passjoni

Il-Ġimgħa 4, is-Sibt 5 u l-Ħadd 6 ta’ April, fit-Teatru Dun Mikiel Xerri (Sala Parrokkjali) se jittella’ d-Dramm tal-Passjoni bl-isem “L-Inviżibbli”. Biljetti mis-Sala Parrokkjali stess, kuljum mis-6.00pm ’il quddiem. Aktar dettalji ssibuhom fil-poster li hemm fin-noticeboards.

Pellegrinaġġ għar-Redentur

Se jsir pellegrinaġġ għar-Redentur tal-Isla nhar it-Tlieta 8 ta’ April. Għal min jixtieq għad fadal xi postijiet. Tluq minn ħdejn il-Posta fid-8.45am Min jixtieq jattendi jkellem lil xi ħadd mill-membri tal-grupp tal-fundraising.

Nitolbu għal ħutna Lawrence Cuschieri, Carmen Chircop u Toni Cortis, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.  

Laqgħa għall-fratelli

It-Tlieta 18 ta’ Marzu se ssir laqgħa ta’ formazzjoni spiritwali għall-fratelli kollha. Il-laqgħa se ssir fis-Sala tas-Sorijiet, fis-7.00pm. Imexxi l-laqgħa Fr Mario Dimech.

Solennita’ ta’ San Ġużepp

L-Erbgħa 19 ta’ Marzu niċċelebraw is-Solennità ta’ San Ġuzepp. Il-quddiesa tat-8.00am tkun dik tal-festa u fiha ssir il-professjoni tal-fratelli l-ġodda. Dawk li jixtiequ jinkitbu fil-fratellanza huma mitluba jiktbu isimhom fis-sagristija. Il-fratelli li huma diġà miktuba fil-fratellanza huma mħeġġa li jattendu. Il-quddies nhar l-Erbgħa jkun bħal fost il-ġimgħa.

Quddiesa għaż-żgħażagħ

Il-Ħadd li ġej 23 ta’ Marzu nistiednu liż-żgħażagħ kollha għall-quddiesa tas-7.00pm li se tkun animata b’mod speċjali għalihom f’dan iż-żmien tar-Randan. 

Eżerċizzi għall-miżżewġin

Mill-24 sat-28 ta’ Marzu se jsiru l-eżerċizzi għall-miżżewġin u għal kulħadd li se jmexxihom Fr Charles Tabone OP. L-eżerċizzi jsiru fil-Knisja Arċipretali fis-7.00pm wara l-quddiesa ta’ filgħaxija. 

Ġabra b’riżq is-Seminarju

Il-ġabra li saret is-Sibt u l-Ħadd li għadda fil-parroċċa tagħna b’riżq is-Seminarju kienet ta’ €3,406. F’isem ir-Rettur u s-seminaristi nirringrazzjawkom tal-offerti tagħkom.

Sehem fil-Purċissjoni tal-Ġimgħa l-Kbira

Matul din il-ġimgħa tkompli r-reġistrazzjoni għal dawk li jixtiequ jieħdu sehem fil-purċissjoni tal-Ġimgħa l-Kbira għall-ilbies tal-persunaġġi u suldati, għar-reffiegħa tal-vari, għas-slaleb tal-wegħda u għat-tfal. Il-kitba ssir fil-maħżen tal-Ġimgħa l-Kbira (wara l-knisja) u tagħlaq nhar il-Ħadd li ġej, 23 ta’ Marzu.

Nitolbu għal ħutna Pietru Borg u Salvina Attard, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.  

Laqgħa Grupp Kelma tal-Ħajja

It-Tlieta (11/03) jiltaqa’ l-Grupp tal-Kelma tal-Ħajja fid-9.30am għand is-Sorijiet. 

Laqgħa Grupp Padre Pio

L-Erbgħa (12/03) ssir il-laqgħa tal-Grupp ta’ Padre Pio li tibda fis-6.00pm bir-Rużarju.

Adorazzjoni

Il-Ħamis (13/03) ikun hawn l-Adorazzjoni Ewkaristika fis-6.00pm bi ħsibijiet marbuta mat-Tama. 

Sehem fil-Purċissjoni tal-Ġimgħa l-Kbira

Minn nhar it-Tnejn 10 ta’ Marzu se tinfetaħ ir-reġistrazzjoni għal dawk li jixtiequ jieħdu sehem fil-purċissjoni tal-Ġimgħa l-Kbira. Ir-reġistrazzjoni se tkun għall-ilbies tal-persunaġġi u suldati, għar-reffiegħa tal-vari, għas-slaleb tal-wegħda u għat-tfal. Il-kitba ssir fil-maħżen tal-Ġimgħa l-Kbira (wara l-knisja) mit-Tnejn sal-Ġimgħa bejn l-4.00pm u s-7.30pm u s-Sibt u l-Ħadd mid-9.00am sa nofsinhar. Il-kitba se tkun fuq bażi ta’ first come, first served, ħlief għar-reffiegħa li jintagħżlu bil-polza.

Dawk li s-soltu jieħdu sehem bl-ilbies privat tagħhom huma mitluba jsegwu l-paġna ta’ Facebook tal-parroċċa biex jagħmlu kuntatt mal-Kummissjoni li qed tieħu ħsieb il-purċissjoni tal-Ġimgħa Kbira.

Fratellanza San Ġużepp

Dawk li jixtiequ jinkitbu fil-Fratellanza ta’ San Ġużepp huma mitluba jinkitbu fis-sagristija jew ikellmu lil xi ħadd mill-membri tal-fratellanza sa nhar il-Ħadd 16 ta’ Marzu. Il-professjoni tal-fratelli l-ġodda se ssir nhar it-Tlieta 19 ta’ Marzu, Festa ta’ San Ġużepp, fil-quddiesa tat-8.00am.

Ġabra Speċjali – Grazzi

Il-ġabra speċjali li saret is-Sibt u l-Ħadd li għadda għall-ħtiġijiet tal-knisja kienet ta’ €1,780. Nirringrazzjawkom tal-għajnuna permezz tal-offerti tagħkom.

Nitolbu għal ħuna Lawrence Cassar, li għadda għall-ħajja ta’ dejjem. Agħtih, O Mulej, il-mistrieħ ta’ dejjem.  

Ras ir-Randan

Nhar l-Erbgħa 5 ta’ Marzu, nagħtu bidu għaż-żmien tar-Randan. Fil-quddies kollu ssir iċ-ċerimonja tat-tqegħid tal-irmied. Fis-6.00pm jibda pellegrinaġġ bis-Salib u wara għas-6.45pm issir quddiesa konċelebrata. Infakkru li nhar Ras ir-Randan għandu jiġi osservat bħala jum ta’ sawm u astinenza. Ħaġa sabiħa wkoll li matul il-ġimgħat tar-Randan wieħed jimpenja ruħu biex jersaq spiss għas-sagramenti tal-qrar u t-tqarbin, jitlob, jagħmel xi sagrifiċċju personali u jagħmel xi forma ta’ karita’.

Adorazzjoni

Il-Ġimgħa (7/3) hija l-Ewwel Ġimgħa tax-xahar. Wara l-quddiesa tas-7.00am se jkun hawn ħin ta’ adorazzjoni fis-skiet quddiem Ġesù Ewkaristija, li jintemm bil-Barka Sagramentali qabel il-quddiesa tat-8.00am.

Seminar għall-ġenituri li uliedhom ser jagħmlu l-Ewwel Tqarbina

Is-Sibt 8 ta’ Marzu se jsir seminar għall-ġenituri li uliedhom se jagħmlu l-Ewwel Tqarbina f’Mejju. Is-seminar se jsir fl-iskola St. Michael’s, Santa Venera, bejn l-4.30pm u s-7.00pm. Il-ġenituri huma mħeġġa li jattendu. Waqt is-seminar it-tfal ikunu miġbura għalihom mal-katekisti.

Talb u attivitajiet għal żmien ir-Randan

Matul iż-żmien tar-Randan, kull nhar ta’ Ħamis, fis-6.00pm ikun hawn l-adorazzjoni b’temi u riflessjonijiet marbutin mat-Tama f’din is-sena tal-Ġublew. Nhar ta’ Erbgħa u nhar ta’ Ġimgħa, issir il-meditazzjoni tal-Via Sagra wara l-quddiesa tat-8.00am u fis-6.00pm, qabel il-quddiesa ta’ filgħaxija. Nhar ta’ Sibt tingħad it-talba tal-Għasar fil-5.00pm.

Ġabra b’riżq is-Seminarju

Fil-quddies tas-Sibt u l-Ħadd li ġej (8 u 9 ta’ Marzu) se ssir il-ġabra li nagħmlu kull sena b’riżq is-Seminarju, il-post li jagħti formazzjoni lil dawk li jkunu qed iħejju ruħhom għas-saċerdozju. Hu dmir tagħna li ngħinu lis-Seminarju u nitolbu għal aktar vokazzjonijiet saċerdotali u reliġjużi.

Pellegrinaġġ Redentur tal-Isla

Il-Ħamis 13 ta’ Marzu se jsir pellegrinaġġ għar-Redentur tal-Isla. Tluq minn ħdejn il-posta fid-8.45am. Min jixtieq jattendi javviċina lil xi ħadd mill-grupp tal-fundraising.

Ġabra Speċjali

Fl-Ewwel Ħadd tax-Xahar, issir il-ġabra speċjali għall-bżonnijiet tal-knisja. Nirringrazzjawkom tal-għajnuna tagħkom li dejjem tagħtu permezz tal-offerti tagħkom.

Nitolbu għal ħutna Marianna Camilleri, Phyllis Bezzina, Emanuel Agius u Girolama Vella, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.  

Nitolbu għal ħutna Rita Azzopardi, Albert Ciantar u Marica Attard, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem. 

Adorazzjoni

Infakkru li kull nhar ta’ Ħamis fis-6.00pm ikun hawn nofs siegħa adorazzjoni qabel il-quddiesa ta’ filgħaxija. 

Purċissjoni tal-Ġimgħa l-Kbira

Bħalissa għaddejjin il-preparamenti meħtieġa għall-Purċissjoni tal-Ġimgħa l-Kbira. Il-bookings tal-parteċipanti kollha (reffiegħa, personaġġi u tfal) se jsiru fil-ġimgħat li ġejjin. Se nkunu qed navżaw minn qabel meta se jiftħu l-bookings fl-avviżi tal-parroċċa u l-paġna tal-Facebook. Sadanittant qed nitolbu lil dawk li ħadu sehem fil-purċissjoni tas-sena l-oħra u għadhom ma rritornawx l-ilbies biex jekk jogħġobhom jagħmlu dan nhar it-Tlieta li ġej 18 ta’ Frar bejn l-4.00pm u s-7.00pm fil-maħżen wara l-knisja. Dan l-avviż huwa għal dawk li kellhom ilbiesi ta-personaġġi, tat-tfal u tas-suldati li huma tal-knisja. Importanti li meta jirritornaw il-libsa jġibu magħhom il-karta li ngħatat lilhom.

Attivita’ miż-żgħażagħ tal-Leġjun ta’ Marija

Il-Ħadd 23 ta’ Frar, bejn id-9.00am u l-11.00am, se ssir attività soċjali bejn żgħażagħ u anzjani, organizzata mill-grupp taż-żgħażagħ tal-Leġjun ta’ Marija. L-attività se ssir fis-Sala tas-Sorijiet. Aktar dettalji ssibuhom fil-poster li hemm fin-noticeboards tal-knisja.

High Tea għall-Missjoni

Se jsir High Tea b’risq il-missjoni li żgħażagħ mill-parroċċa se jagħmlu fil-Peru’, nhar il-Ħadd 23 ta’ Frar fit-3.30pm f’Dar San Ġużepp (għand is-Sorijiet). Bookings fis-sagristija.

Nitolbu għal ħutna Spiridione Domenici, Carmelo Muscat u Agnes Aquilina, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.  

Festa ta’ San Pawl

It-Tnejn 10 ta’ Frar, Festa tan-Nawfraġju ta’ San Pawl, il-quddies ikun fis-6.00am, 7.00am, 8.00am u jkun hawn quddiesa oħra fid-9.30am. Il-quddiesa ta’ filgħaxija tkun fis-6.30pm. Ħaġa sabiħa li f’din il-ġurnata għażiża għalina l-Maltin nieħdu sehem fil-quddiesa.

Laqgħa Grupp Kelma tal-Ħajja

It-Tlieta 11 ta’ Frar fid-9.30am jiltaqa’ l-Grupp tal-Kelma tal-Ħajja għand is-sorijiet.  

Griżma tal-Isqof – Attività għall-adolexxenti

It-Tlieta wkoll (11/02) ikollna l-attività għall-adolexxenti li se jirċievu s-Sagrament tal-Griżma tal-Isqof f’Ottubru ta’ din is-sena. Fil-5.30pm jinġabru ħdejn il-Knisja tal-Anġli minn fejn tibda mixja lejn il-Knisja Parrokkjali fejn jieħdu sehem fil-quddiesa. Dakinhar huma jressqu t-talba tagħhom biex jirċievu dan is-sagrament. Il-ġenituri u l-parrini huma mistiedna jattendu għal din il-mixja magħhom u jieħdu sehem fil-quddiesa.

Laqgħa Grupp ta’ San Piju

L-Erbgħa (12/02) jkollna l-laqgħa tal-Grupp ta’ San Piju li tibda fis-6.00pm bir-Rużarju fil-Knisja Arċipretali u tkompli bil-quddiesa tas-6.30pm.

Quddies Speċjali għall-Miżżewġin

Il-Ħamis 13 ta’ Frar fis-6.30pm nistiednu lill-koppji miżżewġin għal quddiesa speċjali għalihom fil-Knisja Arċipretali, organizzata mill-Kummissjoni Familja tal-parroċċa, flimkien mal-Azzjoni Kattolika Nisa. Dawk il-koppji li s-sena li għaddiet iċċelebraw xi anniversarju speċjali miż-żwieġ tagħhom huma mistiedna li jidħlu fis-sagristija u jagħtuna l-ismijiet tagħhom. 

Coffee Morning

It-Tlieta 11 ta’ Frar fid-9.30am se jsir Coffee Morning b’risq il-knisja fis-Sala tas-Sorijiet. Biljetti mingħand il-helpers tal-grupp tal-fundraising.

Ġabra Speċjali – Grazzi

Il-Ġabra speċali li saret is-Sibt u l-Ħadd li għadda b’risq il-knisja kienet ta’ €1,800. Nirringrazzjawkom tal-għajnuna li dejjem tagħtu lill-knisja.

Nitolbu għal ħutna Steve Sciberras, Emanuela Sammut u Albert Zammit, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.

Quddiesa u Adorazzjoni

Il-Ġimgħa (7/2) hija l-Ewwel Ġimgħa tax-xahar. Wara l-quddiesa tas-7.00am se jkun hawn ħin ta’ adorazzjoni fis-skiet quddiem Ġesù Ewkaristija, li jintemm bil-Barka Sagramentali qabel il-quddiesa tat-8.00am.

Festa ta’ San Pawl

Nhar l-10 ta’ Frar, Festa tan-Nawfraġju ta’ San Pawl, il-quddies se jkun bħal matul il-ġimgħa u jkun hawn quddiesa oħra fid-9.30am. Il-quddiesa ta’ filgħaxija tkun fis-6.30pm. Ħaġa sabiħa li f’din il-ġurnata għażiża għalina l-Maltin nieħdu sehem fil-quddiesa.

Sagrament tal-Griżma tal-Isqof

It-Tlieta 11 ta’ Frar se jkollna attività għall-adolexxenti li se jirċievu s-Sagrament tal-Griżma tal-Isqof f’Ottubru ta’ din is-sena. Fil-5.30pm jinġabru ħdejn il-Knisja tal-Anġli minn fejn tibda mixja lejn il-Knisja Parrokkjali fejn jieħdu sehem fil-quddiesa. Dakinhar huma jressqu t-talba tagħhom biex jirċievu dan is-sagrament. It-talba li jridu jippreżentaw dakinhar tkun mogħtija lilhom miċ-Ċentru tad-Duttrina fejn jattendu. Il-ġenituri u l-parrini huma mistiedna jattendu għal din il-mixja magħhom u jieħdu sehem fil-quddiesa.

Coffee Morning

It-Tlieta 11 ta’ Frar ukoll, fid-9.30am se jsir Coffee Morning b’risq il-knisja fis-Sala tas-Sorijiet. Min hu interesssat ikellem lil xi ħadd mill-membri tal-grupp tal-fundraising. 

Quddiesa Speċjali għall-Miżżewġin

Il-Kummissjoni Familja tal-parroċċa, flimkien mal-Azzjoni Kattolika Nisa, qegħdin jistiednu lill-koppji miżżewġin għal quddiesa speċjali għalihom nhar il-Ħamis 13 ta’ Frar, fis-6.30pm, fil-Knisja Arċipretali. Dawk il-koppji li s-sena li għaddiet iċċelebraw xi anniversarju speċjali miż-żwieġ tagħhom huma mistiedna li jidħlu fis-sagristija u jagħtuna l-ismijiet tagħhom. Dakinhar tingħata tifkira tal-okkażjoni.

Dħul fl-Iskejjel tal-Knisja

Is-Segretarjat għall-Edukazjoni Nisranija javża li qegħdin jintlaqgħu applikazzjonijiet online għad-dħul fl-Iskejjel tal-Knisja f’Malta mill-4 sas-27 ta’ Frar. Aktar informazzjoni fin-noticeboards tal-knisja jew mill-website 

Ġabra speċjali

Il-Ħadd, 2 ta’ Frar huwa l-Ewwel Ħadd tax-Xahar, u ssir il-ġabra speċjali għall-bżonnijiet tal-knisja. Nirringrazzjawkom tal-għajnuna tagħkom li dejjem tagħtu permezz tal-offerti tagħkom.

Nitolbu għal ħuna Victor Trapani, li għadda għall-ħajja ta’ dejjem. Agħtih, O Mulej, il-mistrieħ ta’ dejjem.

Jum il-Bibbja

Il-Ħadd, 26/01 qegħdin niċċelebraw Jum il-Kelma ta’ Alla (Jum il-Bibbja). Din il-ġurnata trid tfakkarna fil-ħtieġa li nużaw il-Bibbja għat-talb u r-riflessjoni tagħna.

Nhar il-Ħamis (30/1) fis-6.00pm ikollna adorazzjoni fil-Knisja Arċipretali marbuta mat-tema tal-Kelma ta’ Alla. Il-Letturi li s-soltu jaqraw fil-quddiesa, bħala Ministri tal-Kelma, huma mħeġġa jattendu għal din l-adorazzjoni. Infakkru wkoll fil-ktejjeb KLIEM IL-ĦAJJA li jkun fih silta qasira mill-Bibbja, ħsieb u talba għal kull ġurnata. Jekk hawn min jixtieq jabbona fih javviċina lil xi ħadd mill-membri tal-Leġjun ta’ Marija.

Laqgħa għall-Koppji Miżżewġa

Il-Ġimgħa 31 ta’ Jannar, il-Kummissjoni Familja se torganizza laqgħa oħra għall-koppji miżżewġin fis-6.30pm fis-Sala tas-Sorijiet (taħt l-Uffiċċju Parrokkjali). Il-kelliema se tkun Ms Bernardette Briffa mill-Caritas.  

Preżentazzjoni tal-Mulej

Is-Sibt u l-Ħadd li ġej (1 u 2 ta’ Frar), niċċelebraw il-Festa tal-Preżentazzjoni tal-Mulej. Is-Sibt fil-quddiesa tas-6.30pm, fil-Knisja Arċipretali se ssir il-preżentazzjoni tat-tfal li se jirċievu l-Ewwel Tqarbina din is-sena mill-ġenituri tagħhom. Inħeġġu lill-familji tat-tfal li se jirċievu l-Ewwel Tqarbina biex jieħdu sehem.

Il-Ħadd (2 ta’ Frar) il-quddiesa tad-9.30am se tkun animata għat-tfal u l-familji bit-tema ta’ din il-festa. Wara l-quddiesa se jkun hemm attivita’ fuq iz-zuntier b’risq Karl Vella Foundation.

Griżma tal-Isqof

Navżaw li d-dati tal-Griżma tal-Isqof din is-sena se jkunu s-Sibt u l-Ħadd 18 u 19 ta’ Ottubru. Il-bniet is-Sibt fl-4.30pm u s-subien il-Ħadd fid-9.15am.

Pasta Night

Il-Ġimgħa 31 ta’ Jannar fis-7.30pm, se jkollna Pasta Night b’risq il-missjoni li żgħażagħ mill-parroċċa se jagħmlu fil-Peru’ matul is-sajf li ġej. Din l-attivita’ se ssir fis-Sala tas-Sorijiet. Bookings mis-sagristija.

Nitolbu għal ħutna l-Kanonku Dun Karm Attard, Pawlu Azzopardi, Philip Aquilina u Maria Farrugia, li għaddew għall-ħajja ta’ dejjem. Agħtihom, O Mulej, il-mistrieħ ta’ dejjem.